Shillong, Naiwieng,04: ka iing dorbar jong ka Khasi Hills Autonomous District council(KHADC) mynta ka sngi ha dien ka jingiakren hapoh ka iing dorbar ka la shim ia ka rai ban phah ia ka Khasi Hills Autonomous District council (Village Administration) Bills 2013 sha ka select committee ban bishar bniah.
Haba kren halor ka jingdon kam jong kane ka bill ban pyniaid ia ka rukom pyniaid shong pyniaid thaw na ka liang jong u CEM jong ka KHADC u Bah P N Syiem u la ong ba ia kane ka bill la pyrshang ban wanrah naduh u snem 2010 bad na ka liang jong ka KHADC ka la pan jingmud na ki paidbah.
Na ka liang jong ka Executive committee khamtam u bah L Blah EM ba dei peit ia ki kam Elaka u la ong ba ia ka draft la wanrah haduh u snem 2011 bad ia kane ka bill la phah ruh sha ki hima ba kin ia peit lang bad haba kam pat don ka jingiahun la ai jingmud ban phah noh ia kane ka Bill sha ka select committee.
Kiwei ki MDC kiba la ia tuklar ia kane ka kam hapoh ka iing dorbar ki long u Bah C Sohtun, ha kaba u la ong ba ia kane ka bill ym dei pass mynta hap ban da peit bniah shuwa.
Kiwei pat kiba la ia kyrshan ia katei ka jingdaw jong u Bah Sohtun ban buh teng shuwa ia kane ka Bill ki long u Bah Titus Chyne, Bah Manstudy Nongrem, u Bah lambor Malangngiang ki la pynpaw ba dei ban phah ia kane ka Bill sha ka select committee.(SP News)
