Shillong, Rymphang 03: Ka seng ANVC (B) ha ka jingphah khubor ka jong ka mynta ka sngi ka la ong ba ka la dep phah sha ka sorkar ia ki kyrteng ki dkhot jong kane ka seng bad ryngkat ia kitiar ialeh ka jong ka bad I akane la phah lyngba jong u ADG Special Branch ha ka 25 tarik jong u bnai ba la dep.
Ka seng kala phah ia ki kyrteng jong ki 151 ngut ki dkhot jong ka seng bad na ka liang jong ka seng mynta ka dang ap ia ka jubab na ka sorkar na ka bynta ban ioh ia ki jingiarap ia kine ki dkhot na ka sorkar.
Ha ka jingpynlait khubor jong u nongialam ka seng ANVC(B) u Doang D Shira u la ong ba ka sorkar ka la dep kular ba kan ai ua u liaison office bad ia ka jaka sah na ka bynta kine ki dkhot jong ka seng.
Na ka liang jong ka seng ANVC(B) ka ong ba ka sorkar ka dei ban wad ia ki lad ki lynti kumno ban pynioh ia ka jaka sah ia kine ki dkhot ka seng, namar kumba ka long mynta ki sah la ka jong ka jong. Naka liang jong ki kim kwah ban don kano kano ka jingjia namar kane ka jingiakren ia suk kala iaid sha khmat.(SP News)
