Shillong, kyllalyngkot,30: Mynta ka sngi ka kot khubor u Mawphor ka la plie ia ka jingdap ba arphew san snem jong u kaba la long ha Dinam hall Jaiaw iaka ne ka kot khubor u Mawphor la seng naduh u snem 1998,ha kane ka por u Bah Rowel Lyngdoh u ba la long kum u kongsan bad ruh ha ka jingiadon lang usymbud kongsan u bah AL Hek,kumjuh ruh ha ka jingiadon lang u Dr D.D Lapang, u bah paul Lyngdoh u bah James Lyngdoh bad ki wei ki wei ki MLA bad ki MDC.
U Bah rowel Lyngdoh kum u kongsan haba ai jingkren ha ka ne ka sngi u la ong “nga sngewkmen eh ban don hangne ban ia kmen lang ia ka jingdap ba arphewsnem jong ka kot khubor u “Mawphor”u ong ruh nga ai khublei shibun ia u Mawphor lyngba ki jingeh ki ba bun ki ba u ia kynduh mynha ki snem kiba kham mynshwa hynrei la lah ban pynkiew haduh kumne kumba ka long mynta” .
“Ula ong Shuh shuh ba ka dei ka jingdonbok jong ngi ka jait bynriew ba ngi la ioh ia ia u Bah reading u ba lah ban pyniaid ia kane ka kot khubor wat u long u briew u bym da nang da stad hynrei u la lah ban nang pynkiew ia ka kot khubor na ka wei ka por sha ka wei ka por”
‘Ha kine ki snem la don ruh ki wei ki kot khubor kiba la mih kum ka kot khubor pyrta u riewlum,meirilum,bad ki wei hynrei kine ki jah noh kadaw jong ka jingjah noh kine ka long ba ki briew kim pat da kwah ban pule kot khubor bad ka wei ka long ba kim lah ban kyrshan”
Haba kren ha kane ka jingialang u Bah AL Hek u la ong “ka jingdap ba arphewsan jong u Mawphor kam dei eh tang ia ka kot khubor hynrei iabaroh ki nong pule, haka juh ka por ka jingdap ba arphewsan snem u Mawphor ka ka dei ka iit khmih jong ka jaitbynriew ban pynphriang sha ki briew, u Mawphor u iieng ha artylli ki nongrim ka long ban tei ia ka imlang ka sahlang bad ha ak juh ka por ka pynjot ia ka imlang ka sahlang ”
“Ki publisher ne editor ki dei ban don ka jingkit khlieh lada jia ba don kano kano ba ka khubor kaba u nongthoh u kum bakla,bad ki nongthoh khubor lada ki thoh ia kano kano ka khubor ki dei ban wad bad thoh ia ka jingshisha la pynkut u bah Hek”
Ha kane ka sngi la ioh ruh ban pule iaka History jong u Mawphor bad ia ka jingiaid lynti kiba u Mawphor u la iaid la arphewsan snem mynta, ka kot khubor u Mawphor ka la mad ia shibun ki jingkylla ha ka jingiaid lynti ba arphewsansnem ka la mad ia ki jingat phyllung ba bun jait, ka dei ruh kaba nyngkong eh kaba don ia ka offset printing bad kaWebsite, u Mawphor u la ai jingiarap ruh ia ki briew kiba shem lanot.(SP News)
