Shillong,iaiong 08:Mynta ka sngi ka seng FKJGP ka la plie pyrda ia ka jingdap ba 25 snem jong ka, kaba la pynlong ha ophis treikam jong ka kaba ha Mawlai Motsyiar, Ka tei ka seng ka la dap mynta la 25 snem bad ka la samla rangbah bha ha ka jingiaid lynti jong ka, bad ka tei ka seng ka la leh shibun ki kam ha kaba iadei ha ka imlang ka sahlang jong ka jaidbynriew, bad ak ioh shibun ki jingshakri ia ak jaidbynriew, bad ha shwa ka jingialang kan iaid sha khmat la ioh ban thang ia ki dong musa .
U bah Sounder Strong Cajee u ba long kum u kongsan ha kane ka sngi haba ai jingkren ha ka tei ka jingialang u la ong hapdeng kine ki 25 snem kiba ka seng ka la iaid lynti ka la ia kynduh shibun ki jingialeh bad jingiakhih hapdeng ka sorkar bad ka seng hynrei babor ki nongialam jong ka seng kim shym la kynran dien ne kynriah noh hynrei da ka jingieid bad ka jingshitrhem ia ka ri bad ka jaidbynriew ki long kiba ia tylli ha ka seng.
Ka seng ka la sei ruh ia shibun ki briew kiba paw khmat na ka ne ka seng, bad mynta ki la kylla long kum ki nong ialam sengsain pyrthei, ki pastor , ki Tbn basan bad shibun kiwei kiwei ruh .
U bah Cajee u la ong ruh ha ka por ba ma u u dang bat kum u nongialam jongka seng ha ki snem 1999 ki dang don tang khyndiat ngut eh ki dkhot ha kata ka por wat la katta ruh ngi long kiba khlain ,hynrei katba ki snem ki nang iai tyllun ka seng la nang heh nangheh, bad ha u snem 1994 ngi la pynlong ia ka wei ka rally kaba heh bha ha motphran,
“nga kum u nongialam jong ka seng nga la shah kem bunsien khlem kano kano ka daw ne ki kyndon ain kiba nga la leh kam sniew hynrei dei tang ba nga long u nongialm seng ban iad ia ka ri bad ka jaidbynriew nga shah kem, dei ha u ne u snem nga la shah kem bad la pynngat ia nga ha ka kyndon kaba ki khot ka Natiional security Act ” ong u bah Cajee.
U bah Welbert Rani U general secretary ha ba ai jingkren ha ak tei ka sngi u la ong Ka seng mynta ka la kynjoh sha ka jinglong samla kaba la pura bha ka al dap mynta 25 snem , kumta la don kam shuh shuh ban dan pynkhlain bha ia ka, khamtam eh ia ak jingmut jingpyrkhad jong ki nongialam seng ha ki circle bapher bapher.
Kum ki nong ialam jongka seng ngi dei ban long kiba leh hok bad ngin ialam ia ka jaitbynriew da ka jingieid, bad ngi dei ban don ia ka jinglong kaba khuid namar kane ka long kaba don kam tam kum ki nongialam namar ngim lah shuh ban ioh da ka wei pat kla jaitbynriew.
Ha ka tei ka jingplie pyrda ia ka jingdap ba 25 jong ka seng FKJGP baroh ki nong ialam jong ka seng kiba kham pawkhmat ki la ia poi ha ka tei ka sngi, bad ia ak tei ka jingialang ha ka tei ka sngi la ialam da u bah Joe Marwein president.(S P News)
