Mawkyrwat, Nohprah 21: Ka kynhun shipai Assam riffle kiba ha iing ha sem bad ki bor pyniaid ia ka South West Khasi Hills District mynta ka sngi ki la pyndon burom ia u Kitborlang Lyngkhoi u shipai na ka kynhun Assam rifle u ba la aiti ia la ka jong ka jingim na ka bynta ban iada ia la ka jong ka Ri ha Siachen.
U ne u samla kitborlan
g u la aiti ia la ka jong ka jingim na ka bynta ka ri bad ryngkat kiwei ki paralok jong u ha kaba ai jingiada ia ka ri ha Siachen ha kaba u lum thah u la khyllem bad shim noh ia ka jingim jong ki ha ka por ba ki dang don ha ka kam.
Ha dien ka jingleh burom kaba khatduh na ka liang jong ki shipai la aiti ha kiba ha iing ba kin pyndep ia ka jingleh niam leh rukom ha ka shnong jong u ha Nongbah Marshillong bad la tem don burom ha ka lum jingtep jong ka balang pyrebyterian.
U samla kitborlang u la leit ban rung ha ka kam shipai ha u snem 2010 bad ka jingshah jingshah hikai ka long ha Happy valley ha dien ba u la pyndep ia ka jingshah hikai kaba kyrpang u la phah ia u shga Madhya Pradesh, Rajeshthan bad Jammu bad Kashmir ha kaba u la aiti ia la ka jingim na ka bynta ka Ri.(SP News)
