La pyndon burom khatduh ki BSF ia ki 2 ngut ba shah siat ha ki lehnoh ha SWK Hills

Shillong, Naiwieng 09: Ka kynhun shipai ia da khappud  mynta ka sngi ka la pyndon burom khatduh ia ki ar ngut ki shipai kiba la duh ei ia la ka  jong ka jingim ha ka jingshah siat ha ki lehnoh ha South West Khasi Hills Meghalaya ha ka sngi thohdieng ha jan Bagli.

Kine ki ar ngut ki shipai BSF kiba la shah siat ha ka por ba ki dang don ha ka kam ban pahara ha khappud ki long u Papu Kumar Yadev bad u Susish Biswa kiba dei ki constable. Ia kane ka jingleh burom na ka bynta jong ki la pynlong mynta ka sngi ha Shillong.

Na ka liang jong ki BSF ki dang iai pynlong ia ka jingkhynra ha katei ka jaka ban lap ia ki nongleh kam sniew.

Wat la ka ka la mih ka jingkynnoh na ka liang jong ka ANVC(B) ba ia kane ka kam la leh da ka seng lehnoh GNLA, na ka liang jong ki BSF ki dang iai wad ia ki nongleh kam sniew ban kem ia ki bad ban pynshitom katkum ka ain.(SP News)