Shillong, Nailar 08: u Joint Director ka tand Civil Supply jong ka Jylla Meghalaya u la pynthikna ia ka jingbymioh shini ration shuh u la pynpaw ba ka long kaba shisha ba ka sorkar pdeng ka la pynduh ia ka jingsam ia ka shini ration naduh ka 1 tarik u bnai jylliew mynta u snem.
Ha ka jingiakren u Bah Syiem u la ong ba ka sorkar pdeng ka ladep ai ia ka jingthoh ba la pynduh bad lada ka sorkar Jylla ka kwah ban bteng ia ka jingsam ka hap ban thied hi da lade ia ka shini kata ruh na ki iew die lang.
Ha kane ka jingthoh la pynpaw ba ka sorkar India kan ai iaka subsidy ha ka dor T.18.50 shi kilo na ka bynta ki jylla kiba dang kwah ban bteng ban die ha ka dor T.13.50 shi kilo ha ki dukan Fair Price Shop, ka ba long na ka bynta u snem 2013-14 bad 2014-15.
La pynshai ruh ba ka jingpynphai (Reimbursement) da ka sorkar pdeng kan long katkum ka jingdonkam ia ka shini, kaba pynshong nongrim halor ka jingpyllait ia ka kaba dang don.
Ka dor ba ka hap ban thied ka long kumba T.40 shi kilo ha kaba yn pynphai (Reimburse) noh kumba T.18.50 da ka sorkar pdeng bad ka dor ba hap ban die kan long kumba T.21.50, katba ka dor ba mynshuwa ka long kumba T.15 eiei, kaba la iapher haduh kumba T.6.50.
Haba la ia kren bad ki katto katne ki long kmie ki la ong ki dap da ka jingsngewdiaw namar kaei kaba ka sorkar ka la ai ka la long shisha ka jingiarap ia ki paidbah.(SP News)
