Tura, Risaw 8th : Ki nongialam jong ka Garo Hills State Movement Committee (GHSMC) myn
ta ka sngi ki la ioh jingtip ba ki bor jong ka ain ki la pynngat mukotduma pyrshah ia ki 25 ngut ki dkhot ka seng kiba la shah kem.
Na ka liang jong ki muktiar jong kitei ki 25 ngut ki la kynnoh pyrshah ia ki bor jong ka District Adminstration ba ki pyrshang ban tuklar wad ia ka iing bishar la kynnoh.
U Jipson Marak, u muktair jong ka GHSMC u la ong ba ka long kaba snewlyngoh ba kumno hapoh shibnai la pyngat mukotduma ia ki dkhot jong ka GHSMC kiba dang don mynta ha phatok Jowai. Ka long kaba phylla ba tang shpoh shibnai la pyngat case hynrei ia kiba batbor kynthei, kiba pyniap briew bad ia ki lehnoh ki shim por haduh 90 sngi ei ei ban pynngat mukotduma ia ki.
La ong ba ia u general secretary jong ka GHSMC u Augustine Marak yn pyngnat ha ka MPDA katba ia kiwei pat la pyngat ha kiwei ki kyndon jong ka ain, la ong u tei u nongiasiat ain.
U tei u nongbihsar u la ong ba u la ioh ia ka jingthoh kaba la sam da u DC sha baroh kit and sorkar ban ong ba ki dei ban pyrshah ban ai jamin ia ki dkhot jong ka GHSMC bad kane ka long ba u DC u pyrshang ban pyibor ha kaba ia dei bad kane ka mukotduma la kynnoh nongsaid ain u Jipson.(SP News)
