Shillong Risaw 31: Ia ka jingialehkai kaba la pynlong da ka Mylliem Lum Sports Association (MLSA) ka ba kynthup ia ki 12 tylli ki Shnong jong ka Mylliem Lum ha ka 27th Risaw 2012 kala pynhap pyrda noh ia ka 1st Mylliem Lum Football League Tournament 2012 ha ka jingialang kaba shongkhia bad shongkun namar ki Paidbah Nong shong shnong jong katei ka Thain da ki Hajar Ngut kila iatuid ban ia mih ryntih ban sakhi ia katei ka sngi kaba kyrpang ha ka Thain Mylliem Lum.
Ha kaba sdang jong katei ka sngi la ioh shwa ban sakhi ia ka jingialehkai na ki Ar tylli ki kynhun kiba la shah rem ha ka semi Final kata ka Rang Bih Bih Sports Club Pyrshah ia ka Mawiong Sports Club ha kaba ka Rang Bih Bih Sports Club ka la jop da kaba 2-1. Ha ka jingialehkai Final pat ka jingialehkai hapdeng jong ka Maweitnai Sports Club pyrshah ia ka Mawpynthih Sports Club ka jingialehkai ka long kaba Kham Itynnad shuh shuh ha kaba Ki Rangialehkai ba Tbit bad ba Kynsai jong ka Maweitnai Sports Club Lyngba u Traswell Sohtun ka la lah ban Kynkhih iaka Jar 3 sien lynter lyngba jong utei u samla ha kaba ki Rang ialehkai jong ka Mawpynthih Sports Club ruh khlem Tyngkai satia iala ka buit ka bor hynrei imat bym thaw la ka sngi tad haduh ka minit kaba Khatduh jong ka kylla miet ruh kim shym la lah satia ban pynphai satia ia kitei ki 3tylli ki goal.
kumta ka jingialehkai kala kut noh da ka jingjop jong ka Maweitnai Sports Club 3-0 bad ioh rah syndon ia ka Song Tyngka kaba Rs.25,000/- (Arphew San Hajar) bad ka Mawpynthih Sports Club kaba la mad ia ka nam rem kala ioh Rah ia ka Song Tyngka kaba Rs.15,000/- (Khat San Hajar).Ha katei ka sngi na ka liang jong ka Shnong Maweitnai ka la Khang shnong khnang ba ka jingialehkai kan long kaba iaid beit iaid ryntih bad kaba ishongkhia shisha ha kaba la Pdiang burom ia baroh ki Nongshah khot Sngewbha da ka Mylliem Lum Sports Association (MLSA).
Ha kane ka sngi u Bah Hamlet Dohling u la long u kong san, u Symbud Kongsan Bah Emlang Lyttan (Ex. President FKJGP), Special Guest Samla Kitboklang Nongphlang (State Youth Awardee), Bah Tonwell Rynjah, Rangbah shnong jong ka Shnong Lawsohtun,Ki Rangbah Shnong na ki Thain bapher bapher jong ki Shnong Mylliem. u Bah Emlang Lyttan haba kren kum u symbud Kongsan ha katei ka sngi u la ong ba kine ki Thain Mylleim Lum ki long shisha kiba dang sahdien shisha ha ki liang baroh kumta ban wanrah pat ia ka jingkylla ha shong eh ha ki Paidbah ban jeid bad ban pynkup bor ia kita ki Nongialam lane ban jied ia kita ki Nongmihkhmat sha ka Ing Dorbar Thawian jong ka Jylla ha kane ka MLA Election 2013.
U Bah Hamlet Dohling haba Kren kum u Kongsan ha katei ka sngi u la ai Jingiaroh ia ka Mylliem Lum Sports Association (MLSA) ba watla ka long ka Kynhun kaba dang Shylluit namar la Seng ia kane ka Kynhun dang kumba 5 bnai mynshwa hynrei ka la lah ban lum ban lang bad ban Teh Song lang pat haduh 12 Tylli ki Shnong jong ka Thain Mylliem Lum ban ia tylli lang kawei kapoh jong kane ka Lama lane ka Shatri jong ka Mylliem Lum Sports Association (MLSA) ban kyntiew ia ki Kam ialehkai hapoh jong ka Thain bad na ka liang ka jong u, u la ong ba u long uba kloi ban btin lynti ia ki samla ha ki por baroh namar ki Samla kidei ka Lawei jong ka Jaitbynriew.
Shuh shuh u Samla Hamlet Dohling u la ong lada u long uba arsap bad Pyrkhat tang ialade shimet na ka bynta ban myntoi ban jop Election lehse ha kane ka Mylliem Lum Sports Association (MLSA) kin ym don satia ki shnong kiba hap sha kiwei pat ki Constituency kum ka Mawpynthih & Mawnarian kiba hap sha ka Nongkrem Constituency bad kumjuh ruh ia ka Shnong 12mer kaba hap sha Sohra Constituency.(SP News)
