New Delhi 25: Ka tand pathai khubor jong ka sorkar Meghalaya mynta ka sngi ka la pyni ia ki jingshad
tynrai jong kane ka jylla ha nongbah New Delhi ha Lal Chowk Theatre, Pragati Maidan, kum shi bynta jong ka Indian International Trade Fair (IITF) 2013,
Kit and sorkar kiba la leit ban ia shim bynta ha kane ka jingpyninam ki long ka tand Agriculture, Horticulture, Commerce & Industries, Tourism, Forest, Soil & Water Conservation, Cooperative Societies, MHHDC, MKVIB, Fishery bad ka Directorate jong ka tand pathai khubor jong ka sorkar. Nalor kine tand jong ka sorkar la don 20 ngut ki nongkhaii na kane ka jylla kiba la leit ban ia shim bynta lang.
U myntri ka tand pathai khubor u bah AL Hek u la don lang ha kane ka sngi, kiwei ki heh sorkar kiba la ia don lang ki long u Bah J. Dkhar, Bah R. Syngkon bad bah S. Mukhim Parliamentary Secretaries, U U.K. Sangma, Secretary, DONER, u Bah H.M. Shangpliang, Director of Information and Public Relations, ka S. R. Marak, Joint Resident Commissioner, Meghalaya House lem bad kiwei.
Ha kane ka sngi ki jylla bapher bapher ki la pyni ia la ki jong ki jingshad tynrai jong ki ha ryngkat ka rwai ka siaw. Ha dien jong kane ka jingpynia ia ki shad tynrai na ka liang jong u myntri u la leit ban jongoh ia ki dukan bad ia kren bad ki nongiashim bynta bad ki heh sorkar kiba la poi ha kane ka jingiapyninam.(SP News)
