Shillong, Risaw 06: ka jingialehkai tied Golf kaba 6 jong ka IIM Shillong Golf Cup ka la kut myn
ta ka sngi ha kaba u myntri rangbah ka jylla u Dr Mukul Sangma u la long u kongsan ha kaba u Bah AL Hek bad ka Dikanchi D Shira MLA ka la ia don lang.
Haba kren ha kane ka sngi u myntri rangbah ka jylla u la ong ba u ai ka jingiaroh ia ka IIM Shillong kaba la pynlong ia kane ka jingialehkai bad kane ka khring ia ki heh spah ki ban wan ialehkai ha kane ka jaka.
U Dr Mukul u la kyntu ia baroh ki nongwaniashim bynta ha kane ka jingialehkai Golf ba ki long ki nonglam ktien ban ong ba ka jylla Meghalaya ka long kaba itynnad bad ba kin ia ithuh lem ia kiwei ba kin wan ban ia lehkai ha kane ka jaka.
U myntri rangbah u la ong ba ka sorkar ka don ka jingthmu ban thaw ia kawei ka jaka ia lehkai golf ha jan mawlyngnong kaba dei kawei na ki shnong kiba khuid tam ha kane ka dewbah Asia.
Ha ka juh ka por u mytnri rangbah ka jylla u la kyntu ia ki nongialehkai baroh ba kin sngewbha ban wan ia shim bynta ha ka Chief Minister’s golf tournament kaban sdang ha ka 23 tarik jong u Naiwieng.(SP News)
