Shillong, Nailur 20: ka Public Information Campaign halor ka Bharat Nirman programmes jong ka sorkar pdeng la pynkut noh mynta ka sngi ha ka shnong Tynring. Ha kine ki lai sngi la pynlong ruh ia ki jingialang paidbah ban pynsngewthuh ia ki paidbah ha kaba ia dei bad ki skhim jong ka sorkar pdeng.
Ha kine ki lai sngi ki la don bun kijinghikai na ka bynta jong ki paidbah ha kaba ia dei bad ka koit ka khiah, kumno ban sumar ia ki khun ki kti bad ia kiba la samla bad la pyntip paidbah ia ki jingtrei kam jong ki skhim jong ka sorkar pdeng ha kane ka jylla, la ong ka kong Meera Kharkongor Project Director jong ka ICDS.
Ha kine ki sngi kila don bun ki heh sokar kiba la leit ban pynshai paidbah ha kaba ia dei bad katei ka jingpyni paidbah ia ki skhim jong ka sorkar pdeng kiba don na ka bynta ki paidbah kiba la pyntrei kam ha kane ka jylla Meghalaya da ka jingbei pisa na ka sorkar pdeng.(SP News)
