Shillong,Nohprah,03: Ia ka jingrakhe ia ka jingdap 25 snem ka kot khubor u Rupang la pynkut 
mynta ka sngi ha jingialang paidbah kaba la long ha Dinam Hall Jaiaw.
Haba kren ha kane ka jingialang kum u kongsan U bah P.Tynsong u la ong ba ki briew ha kine ki sngi ba mynta ki don kam shi sha ia ki kot khubor bad ki shaniah beit haki kot kot khubor khamtam iaki kot khubor kiba mih man la ka sngi u ong ruh hynriew hajar laispah tylli ki shnong ha kane ka jylla Meghalaya ki don bad ki ioh ban pule ia ki kot khubor.
U bah Ptynsong u la iathuh ruh ba lada khein kumba 25% ki briew kiba pula kot khubor ki dei kiba pule na ka jabieng bad 10% ki briew kiba pule tang iaka jingthoh najrong bad 65% pat ki dei ki briew kiba pule iaki khubor jong ka jingshisha bad ka rukom jong ka kot khubor ka long ba ki dei ban pynpoi lut ki shnong baroh.
Ha kane ka juh ka sngi la ai ia ka burom sha u Bah u bah Raphael Warjri u ba long u wei na ki nongdro dur ba pawnam ka jylla, la pynkup burom ruh ia u Bah S.K Sun u trai jong ka Rangdajied sport club. Ha kane ka sngi la pynlait paidbah ruh ia ka kot sah kynmaw kaba la pynmih da u Rupang.
Kiwei kiba la ia don lang ki long u Bah RV Lyngdoh MLA jong ka Mylliem, u Director jong ka tand pathai khubor jong ka sorkar u Bah H M Shangpliang lem bad kiwei kiwei ki riew rangbah. Ia kane ka sngi la pynshongshit da ki jingshad na ki khynnah skul bapher bapher. (SP News)
