Shillong, Nohprah 22: Ka Shillong Hockey Association (SHA) ha ka sngi saitjain kala pyn
hap pyrda noh ia ka Winter Camp na ka bynta ban ai jinghikai ia ki khynnah kiba ialehkai Hockey.
Kane ka jingai jinghikai kala sdang naduh ka 09 tarik u Nohprah bad la pynkut noh ha ka 21 tarik mynta u bnai ha kaba 40 ngut ki samla kiba shong basah hapoh bad shabar jong ka nongbah Shillong kila wan ban iashimbynta bad ka sngi kut kala don ka jingialehkai hockey ne ka Exhibition Match hapdeng kine ki khynnah kiba iashimbynta ha kane ka Camp kaba la long ha Madan Polo.
Ka Myntri ka tnad Urban Affairs ka kong Ampareen Lyngdoh kaba dei ruh ka President jong ka Meghalaya State Hockey Association kum ka kongsan kala pynhap pyrda ia kane ka Camp ha ryngkat ka jingiadonlang ki nongialam ka SHA bad ka MSHA.(SP News)
