Shillong Jymmang, 30: Ka Orientation Workshop ba ar sngi na ka bynta ki members jong ka CWC,JJB, SJPU, Print & Electronic Media on Integrated Child Protection Scheme (ICPS) ka la kut noh ha ka sngi palei ha Don Bosco Youth Centre, Shillong ha ka ba u Inspector General, CID, Mr. V. Rana U long u kongsan. U Assistant Director, Social Welfare bad u Fr. Celia, Director, Don Bosco Youth Centre kila iadon ryngkat ha kane ka programme.
Lah ban kdew hangne ba ka Integrated Child Protection Scheme ka dei ka scheme kaba dang shu pynmih thymmai da ka Central Scheme ha ka jingiatrei lang bad ka State Government, ka Civil Society kiba don ia ka jingthmu ban ai jingiada ba kyrpang na ka bynta ki khynnah bad ruh ban pynmih ia ki rukom treikam ban pynkhlain ia ka child welfare system. Ka jingthmu jong kane ka scheme ka long ban trei lang ka sorkar bad ki nongpyniaid ki bym dei jong ka sorkar, ban ithuh bad ban iarap ha kano kano ka liang, na ka bynta ka jingbha jong ki khynnah.
Ha ka jingkren pynwai, u Mr. Rana u ong ba katkum ka experience jong u kum u nongtrei pulit, u la iaid lyngba bun ki case jong ka child rights violations. Hynrei dangshen ha kine ki por, ka jingsyier bad ka jingma hapoh ka State Meghalaya ka dei ka jingshahlehbor, jingshahbatbor jong ki khynnah, ka long ka jingpyrkhat ba khrawbha na ka bynta ka nongbah hi baroh kawei. U la pynpaw ia ka jingkmen bakhraw ha kane ka workshop bad u kyrmen ba kane kan ai jingmyntoi shibun ia ka Child Welfare Committees (CWCs), Juvenile Justice Board (JJB), Special Juvenile Police Unit (SJPU), ka Print bad electronic media ha ka jingtrei jong ki ban iada ia ki khynnah bad ka hok jongki. U ong ruh ba ka police website ka don na ka bynta ki paidbah ban pyntip ia kino kino ki jingjia bad ban thoh ia ki complaint jong ki.Hadien, la sam ia ki certificate sha ki nongiashimbynta da u Chief Guest bad Fr. Celia.(SP News)
