Tura, Jymmang 11: Ki sang ngut ki briew kiba la kem da ki pulit na lum jingtep kaba don ha Chandmari ha Tura ia kiba la suba ba ki dei ki nongmane ksuid la pnylait jamin mynta ka sngi.
Ki pulit kila kem ia kitei ki briew kiba don ha lum jingtep ha ka por kumba 10.30 baje mynmiet bad na ki la lap ia u Ganja bad ki jingdeng kynsha. Ka jingkem jong ki pulit ia kine ki briew ka long halor ka jingujor jong u Nikhil T. Sangma secretary jong ka lumjingtep.
Kine kiba la shah kem baroh ki dei kiba la 18 snem shaneng , u SP jong ka West Garo Hills u Mukesh Singh u la ong ba la kem ia ki namar u Deputy Commisisoner u la khang ia kane ka jingong ba mane ksuid.
Ia kane ki briew la pynngat hapoh ka kyndon ba ki la pynkhein ia ka hukum jong u magistrate section 188. Kine ki khynnah kiba la shah kem ki dei kiba dang pule klass X bad XII. Ha kine ki san ngut kiba la shah kem ha ka met jong ki la dro ia ki jingdro tattoos ki long kum ki dur ksuid.(SP News)
