Shillong, Rymphang 05:U Para jong u MLA uba la shah rah bor ha ki suba lehnoh GNLA la pynlait mynta ka sngi ha dien hynriew sngi ba la don ka kti jong ki lehnoh.
La kynnoh ba u Naga M. Sangma, 39, u para jong u MLA u Samuel M. Sangma la pynlait ia u ha dien ba ka la don ka jingsuba jur bala dep ban siew ia ka T.20 lak tyngka kumba la dawa. Ia u tei u nongkhaii dewiong la rahbor ha ka 30 tarik jongu kylla lyngkot.
Ki pulit kila ong ba la pynlait ia u Naga mynta ka sngi ha ka por mynstep hapdeng ka lynti Chokpot bad Gausapara ha khappud bad ka ri Bangladesh. Ki pulit ki la ong ba ki la ioh ia kane k a jingtip ha dien ba u la poi ha iing jong u ha Gausapara, la ong ba haduh mynta kim pat lah ban pynshisha la ki sniew ne em ia ka jingdawa da katei ka seng lehnoh.
Na ka liang jong kiba ha iing ha sem jong u Naga ki kyntait ia ka jingong ba ki la siew ia ka pisa. Kiba ha iing ki la ong ba ki khlem siew ei ei sha kiba rah bor. Ka jingshah dawa jong ki nongkhaii ka long na ka por sha ka por ha ki lum Garo.(SP News)
