Shillong, Nohprah 18: Ka jingrwai niam garo ha ka dur jong ka video la 
pynlait paidbah mynta ka sngi ha Shillong press club ia kaba la jer kyrteng ka “ Ka.sara Pangnaba Tija” ia kane ka album la pynmih da u Leoberth R Sangma bad la pynlait paidbah da u KC Momin.
Ha ka jingkren jong u Momin haba pynlait ia kane ka video jingrwai niam u la ong ba lada pynkylla ia kane ka kyrteng sha ka ktien khasi ka long ba ka jingieit jong u blei kam juh kylla. U Sangma u la pnynmih ruh kawei ka jingrwai ha u snem 2010 bad kane ka dei kaba ar.
Kane ka video ka don phra tylli ki jingrwai bad baroh ki jingrwai ki kren ia ka jingieit jong u blei ia u khun bynriew, ka jingpynlait ia kane ka jingrwai ha kane ka por ka long kaba biang namar ki briew baroh ki pynkhreh ia ka jingwan jong u jisu ha ka ne ka khristmas.
U la ong ba ki jingrwai ka long kawei na ki lad ban ialap ia ka ktien jong u blei sha ki briew baroh bad ki jingrwai ki poi ym tang sha kito ki don ha ka jingneit hynrei ka poi sha baroh ki jaid bynriew kiba u blei u ieit ia baroh da ka juh ka jingieit.
U muktiar S Dey u ba la ia don lang ha kane ka sngi u la ong ba u ai ka jingiaroh ia u Sangma u ba la lah ban pynmih ia kane ka jingrwai bad u la ong ba kane kam dei ban long ka jingkut u kwah ban iohi ba ha ki por ki ban dang wan kin dang mih shuh ki jingrwai.(SP News)
