Shillong Naiwieng 26: Da ka jingthmu ban pynshlur ia ki samla na ka bynta ban thoh poitri ha kane ka jylla Meghalaya mynta ka sngi la pynlong ia ka jingiakop thoh poitri da ka jingiarap pisa na ka Chief Minister Development Fund (CMDF).
Ha ka jingkren jong u Additional Deputy Commissioner jong ka East Khasi Hills u R Marak u la ong ba dei ban pynshlur ia ki samla kane ka juk kaba mynta na ka bynta ban thoh kot thoh sla. Na ka liang jong u Marak u la ai ka jingiaroh ia ka the All India Poetess Conference kaba la pynlong ia kum kine ki jinghikai thoh kot.
Ha ka jingkren jong u Dr. Sylvanus Lamare Principal jong ka St. Edmunds College u la ong ba ka jingthoh poitri ha ka kti khasi kam dei tang ka jingthoh ne ka jingrwai hynrei ka don la ka jong ka bynta ha kaba ki nongthoh ki kwah ban kren bad ban pynsngew sha ki paidbah ia kaei kaba ki don ban kren.
Ia ki nongjop ha kane ka jingiakop thoh poitri ruh la ai lang mynta ka sngi. Ki nongjop hakane ka jingiakop kilong, ka Nangkyrsoi Synrem na ka skul Kelian Memorial School kaba la wan ba nyngkong, ia ka kyrdan ba ar la rah da ka , F. Christy Linda Lyngkhoi na ka skul Synod Higher Secondary School bad P. Bareh na ka skul JNV, Mukhla kiba la wan ba ar bad ba lai ka ktin kahsi.
Ha ka ktien phareng pat ia ka kyrdan ba nyngkong la rah da ka Catherine Lymba jong ka skul Synod higher Secondary School bad ka Ritilin Mawlong jong ka Shillong College ki la ioh ia ka kyrdan ba ar bad balai. Ha kawei pat ka kyrdan thoh poitri ha ka ktin khasi la jop da ka Nisha Thongphai ha ka kyrdan ba nyngkong ia ka kyrdan ba ar la ioh da ka ka Bonny L Kharbani . Ha ka phareng pat la jop da ka H. Bankerlang Thabah jong ka St. Edmunds’ bad ia ka kyrdan ba ar la jop da ka ia ka Jerry Pyrtuh jong ka Umshyrpi College bagged the 2nd prize.(SP News)
