Jowai, Jylliew 07: Ka jingpyninam ia ki tiar kiba la shna da ki karkhana rit hapoh jong ka West Jaintia Hills District la sdang mynta ka sngi ha Marian Hills ia kaba la plied a u Additional Deputy Commissioner u Bah SS Syiemlieh.
Haba kren ha kane ka sngi u Bah Syiemlieh u la ong ba ka phang pdeng jong kane ka long ban sei madan ia ki sap ki phong kaba ki briew ki don na kane ka thain ha ka kam shna tiar bad dei ha kane ka jaka ba ki nongshna bad ki nongthied ki ia kynduh. U la kyntu ia ki briew ba ki dei ban shim ia ki skhim kiba don hapoh kane ka tand kharkhana jong ka sorkar jylla.
Ha kane ka jingialang la kren pdiang burom da u bah S Pasweth General Manager jong ka DCIC Jowai bad ia ka jingialang la pyniaid da u Bah Ar Manager ka DCIC. Ha kane ka sngi la don bun ruh ki riew rangbah bad ki briew na katei ka thain, kane ka jingpyninam kan long na ka bynta ar sngi.(SP News)
