Jowai, Rymphang 12: Shi bynta ban pynkhlain ia ka jing shakri paitbah sha ka tain West Jaintia Hills , ka Seng Jaintia Studen Movement – Central Body ka la ioh ia ka lad ban pynkha tnad trei kam haka 08-02-2014 ha West Jaintia Hills,ha ka shnong Mihmyntdu West Jaintia Hills District, ia katei ka tnad trei kam jong ka seng JSM-CB la tip kyrteng Ka Jaintia Student Movement-West Jaintia Hills District Circle ( JSM-WJHD Circle) .
Ha kane ka sngi ia ka jingialang la pyniaid da u Organising Secretary jong ka seng Kmie Samla dahun Lamare. Ha shwa ban ioh ia ka jing pynskhem ia ki nongkit kam jong katei ka tnad treikam jong ka seng, la ioh ia ka jingkren pdiang sngewbha na U Rangbah Dong jong ka dong Lumshyrmit Myhmyntdu U Ma Lam shylla.
La ioh ruh ka jingkren na Publicity Secretary jong ka seng kmie samla Sambormi Lyngdong, ha ka jingkren jong u, u la pyni shibun ki lad ki lynti kum ki nongialam sengbhalang kumno ngi dei ban im bad iaid lynti.Ka ba kongsan eh ngi dei ban bud ia ki Diengjat ki long shuwa man shwa.
La ioh ruh ka jingkren na u Education secretary jong ka seng kmie samla Roitre Dkhar, ha ka jingkren jong u, u la buh ka jingsneng khamtam ia ki nongialam ba thymmai jong katei ka Circle ba ki dei ban long kiba aiti ia lade ban shakri ia ki paitbah, khamtam ba ki dei ban shakri nyngkong eh na la ka jong ka shnong ka thaw. Ha shwa ban ngin shakri sha ki wei pat ki jaka jong ka thain ba hap hapoh ka Ri Jaintia baroh kawei.
La ai jingkren shuh shuh na u Discipline Secretary Samla Deijuhi Siangshai jong ka seng kmie, ha ka jingai jingkren jong u, u la pyn I da ka nia ne ka pharshi shaphang u doh tham, “ U doh tham u don ar jait ki dohtham, kijait tham ba nyngkong ka dei ka tham Nongwei ( Phareng)lada buh ha u khiew don kam ban phong tymmoh, bad kaba ar pat kadei kajait tham India kamut Ka Tham Jaintia, ia u ne u jait tham lada buh ha u khiew ymdon kam ban phong tymmoh, U ong ngi kum ki nongialam seng hapoh ka Lama jong ka JSM ngim dei ban long kum kita kitham India, namar ki tham India kidei kiba iatan tyllai iwei ia iwei, ka ba mut ia ka lorni bad bishni, namar bunsien ka ju jia ba ki briew jongngi kim ia burom bad sneng kylliang pynban ki bishni bad shun lada ki iohi ba kiwei ki kiew lada ha kano kano ka kam, hynrei u tham phareng pat balei dei ba phong tymmoh namar ioh kin ia trei bor bah ban kynton iwei ia iwei na ka bynta ban mih sha bar, ka nuksa namar ki jaitbriew nongwei kim don kata ka jingiashun iwei ia iwei hynrei ki ia ai lad pynban ban pynkiew ia uwei pa uwei ban poi sha ka thong jingjop. Te halor kane ka nongrim U Discipline Secretary jong ka seng Kmie u kyntu ia JSM bad ia ki non Jaintia hi baroh kawei to ngin long kiba ia tylli ha kano kano ka kam na ka bynta ban pynkiew shaphrang ia ka jait bynriew Jaintia Hills bad ia ka Jylla hi baroh kawei.
Ha shwa ban ioh ka jing pynskhem ia ki dkhot jong katei ka circle thymmai la ioh ka jingpynsngew ia ka Nongrim jong ka seng na U General secretary jong ka sengkmie Samla L.S Rymbai .U la batai na duh ka Kyrteng jong ka seng i.e Jaintia Student Movement, ka nongrim balei la seng iaka, bad u la batai ruh kaei ka mat trei kam( Aim and Objective) jong ka, ba ha khmat eh bad ka bym lah hi ruh ban pyn kylla tad haduh ban da ioh ia u soh ba thiang.
La ai jingkren ruh u samla Pillar Phawa u ban sa long U General secretary jong katei ka Circle, u la ong ngi wan rah ia kane ka seng ha ka kyrteng jong ka JSM-WJHD circle da ka mynsiem ba kmen khlem da thew dabuh ia kiei kiei hynrei da ka mynsiem hi ngi thrang, te na kata ka daw ha shwa ba ngim ioh ia ka jing pynskhem mynta ngi pdiang da ka mynsiem ba khuid ia ka seng kmie. Bad ka thong jongngi kadei ban khmih ia ka jingeh jong ki paitbah khamtam ki ba harrukom hapoh kane ka West Jaintia Hills District.Khamtam haba ngi ioh sngew ia ka nongrim jong ka seng ngi sngew hun ha duh kata kata.
Ha kane ka sngi laioh ka jingpynskhem ia ki nongialam jong ka seng JSM-WJHD circle da u President jong ka seng kmie Samla Deogratias kyndait. Ha shwa ba un pyn skhem iaki u la buh shibun ki jingsneng jing kyntu , u la ong phi dei ban long ki khuid ka mynsiem bad kiba ia kit iabah lang, ym dei ban ia bein ia kynnoh mar kylliang hynrei phi dei ban ia pan jingmut mar kylliang ha kano kano ka bynta kaba donkam.te lada phi lah ban long kumne phin wanrah ka jingiatylli ym tang ia ka JSM hynrei ia ka Jaitbynriew jongngi hi baroh kawei.
Te laioh ka jing pynskhem ( Sar Kular ) nyngkong ia u President jong ka tei ka Circle U Samla Wenesday Dkhar, pynbud sa U Pillar Phawa u ba bat ia ka post general Secretary ,Asst Secretary Iohhun Lyngdoh, Publicity secretary Starley Shylla, Organising secretary Jimmy Tariang, Sport Secretary Break Starly Suna, Education secretary Longshwa dkhar, Discipline secretary Lurshai chyrmang, Finace Secretary Miss Hunlangki Khynriem, Socio & Cultural Secretary Thombor Shadap bad Executive Member 10 ngut ki Executive Member.(SP News)
