Tura, Risaw 15: Ka jingshah rahbor bad shah pyniap jong u Ram Charan Thakur u ba la 70 snem ka rta ha ki riew runar ha West Garp Hills ka la pynsujer ia ki paidbah jong ka Garo Hills khamtam ha ki bynta ba madan.
Ki riew runar ki la rah bor ia u Thakur ha ka 26 tarik jong u bnai ba la dep bad la pynthikna ha kine ki sngi kiba u la iap namar la lap ia ka met jong u ha kaba ka khlieh kam don shuh. Kane ka jingshah rahbor ka long ha dien ba u la wan phai na ka jaka shna mawiit ka jong u.
U Thakur u dei u briew u ba baroh ki burom ha ka thain baroh kawei, ha katei ka sngi u juh mih na iing ban leit lum pisa na ki briew kumba u juh leh hynrei ha ka por jan miet ym shym la wan phai shuh bad na ka liang jong ki khun ki la ai ka jingujor sha ki pulit.
Ha dien ba ki la ujor sha ki pulit, kiba ha iing ki la ioh ia ka phone na ki briew bad ki la ong ba ki dei ban siew ia ka pisa na ka bynta ban pynlait im ia u kpa jong ki, ha ka jingkwah ban pynlait im ki la pyrshang ban leit sha ki jaka ba ki la ia kut hynrei kam shym long kumta. La sngewthuh ba ki briew kiba leh ia kane ka kam runar dei kiba ia ithuh ithaw bha.
Haba ia dei bad kane ka jingjia na ka liang jong ki pulit ki la kem ia lai ngut ki briew kiba suba don kti ha kane ka kam rah bor bad pyniap ia u Thakur kynthup ia u Forest Guard jong ka GHADC. Kane ka jingjia ka la wanrah ia ka jingsngewsih kaba khraw ha ki khun ki kti.(SP News)
