Shillong, Iaiong 22: Ka ktem shipai 101 area mynta ka sngi ka la rakhe iaka jingdap 50 snem ka jong ka ha kane ka nongbah Shillong naduh ba la sdang ia ka ha u snem 1963 ha kane ka sngi. Ia kane ka jingleh burom la sdang da ka jingbuh syntiew ha u Mawmot ba don ha Rihno ban kynmaw burom ia kito ki shipai kiba la aiti iala ka jong ka jingim na ka bynta ka ri ha ka thma Bangladesh ha u snem 1971.
U Lieutenant General RS Panwar u ba dei u commanding officer jongka 101 area ha ka jingkren ka jong u la ong ba ba kane ka kynhun shipai kaba don ha kane ka nongbah Shillong ka la leh bun ki kam kiba khraw, ha ki snem 1966 ka la don bynta ha kaba ia khun pyrshah ia ki leh noh haka jylla Mizoram.
Ha u snem 1971 ka la don bynta ha kaba ia khun ia ka thma kaba la tip kum ka East Pakistan bad ha kane ka snem la aiti ia kane ka kynhun ba kan tur sha ki thain Shylet bad Mainmensing District, bad dei kane ka kynhun shipai kaba la poi sha Dhaka ia kaba la kyrteng kiba poi nygkong sha Dacaka.
Naka liang jong u ne u heh shipai u la ong ba u kwah ban ia samla jong kane ka dong shatei lam mih ngi jong ka Ri India ba kin rung ha kane ka kam shipai namar ka kynhun shipai jong ka Ri India ka dei kawei na kiba btit tam ha kane ka pyrthei.(SP News)
