Shillong Naitung 11: Mynta ka sngi la rakhe ia ka sngi jingbun paid ha kane ka sla pyrthei bad ka phang pdeng jong kane ka jingrakhe ka long “ ka long iing kaba ri ka dei ka long iing kaba suk ba kmen” ia kane ka jingrakhe la pynlong da ka tand ka koit ka khiah jng ka sorkar jylla.
Ha ka jingkren jong u myntri ka koit ka khiah u Bah A L Hek u la ong ba ia kane ka sngi la rakhe ha shityllup ka pyrthei naduh u snem 1989. Ka jingrakhe ia kane ka sngi ka long ban pynsngewthuh ia ki long iing long sem ba ka long kaba don kam ban ioh ia ka iing ka sem kaba rit ban ban leh ia kane don kam ia ki lad ki lynti kumno ban pynduna khun.
U Bah Hel u la ong ba ka Ri Baroh kawei bad ka jylla Meghalaya ka rakhe ia ka taiew jong ka jinghiar ka ha ka rukom iohkhun ioh kti kaba la sdang mynta ka sngi bad kan kut ha ka 24 tarik mynta u bnai.
Na ka liang jong ka sorkar ka ialeh katba lah kumn ban pynsngewthuh ia ki briew ban pynnia ka jingdon briew kumba ka long mynta. Lada lah ban pynhiar ia ka jingdon briew kan iarap ha ka ioh ka kot bad ha ka kamai kajih.
Kumba ka long mynta ka jingdon briew ha kane ka jylla ka long 29,64,007, katkum ka khana samri jong u snem 2011 bad kane ka pyni ia ka jingkiew ha ka jingdon briew ha kane ka jylla da 27.82% naduh u snem 2001. U myntri u la ong ba ki long kmie kiba dang khynnah ki ia kynduh iabun ki jingeh khamtam na ka liang jong ka koit ka khiah bad kane ka ktah ia ki khun jong ki.
Ha kane ka taiew ban rkahe ia ka jingdon briew ha kane ka sla pyrthei na ka liangjongu myntri u la ong ba ka tand ka koit ka khiah kan hikai ia ki briew ha kaba ia dei bad ka kha ka pun ia kiba la heh la san, khnang ban pynlong ba ia ki khun kiba kha kan long kaba suk kaba sain.
Kiwei kiba la krenha kane ka sngi ki long u bah . K. W. Marbaniang, Secretary Health bad Family Welfare, Dr. A. Dkhar, Director Health Services, MCH&FW bad ka Dr. M. K. Marak, Director jong ka Health Services, MI.(SP News)
