Shillong, Naiwieng 06: ka iew dih doh kha kaba ar sngi ha state central library mynta ka sngi ia kab
a la plied a u Chief Secretary jong ka jylla u bah WMS Parait. Ha ka jingkren ka jong u la ong ba kane ka “aquaculture mission” tang hapdeng ki khyndiat ka long kaba jop.
U Bah Pariat u la ong ba kane ka jingjop jong kane ka kam ri doh kha ha kane ka jylla ka dei na ka jingiatreilang jong ki paidbah bad ha ka juh ka por na ka liang jong ki briew kiba don ha ki shnat bei pisa.
La ong ba kane ka jingjop ka dei ruh na ka jingtrei shitom jong ki briew bad kane ka la wanrah ia ka jingkylla ha ka rukom trei bad u la pynshlur ia ki paidbah ba kin shim khia ia kane ka kam haduh ban da poi ka kyrdan ba ka jylla ka lah ban phah dohkha sha bar jong ka jylla.
U Bah P B 0 Warjri u la ban jur ha ka jingkren ka jong u ba ka dei ban don ia ka thong ba kane ka kam kam dei tang ban pynmih ban pynbiang ia ka jylla hynrei dei ban lah ruh ban phah sha bar jong ka jylla ha kip or ban sa wan.
Ha ka jingkren jong u Principal Secretary, ka tand ri dohkha u K N Kumar u la batai ia ka jingthmu bad kumno kane ka kam ri dohkha ka la lah ban logn ka lad kamai namar kumba ka long mynta ka jylla ka ka thied doh kha haduh 25000 MT na Andra Pradesh. Ha kane ka sngi la don ruh kiwei kiwei kiba kren.
Ki nongri dohkha na kylleng jong ka Ri Khasi ki la ia poi sha kane ka iew die dohkha kaba ar sngi kaba la pynbeit da ka sorkar bad ha kane ka sngi la die ia ki dohkha ha ka dor 150 shi kilo.(SP News)
