Shillong, Jylliew 01: Ki shipai BSF ki la sdang ia ka jingpynrung kam kyrpang ia ki briew kiba shong ha khappud bad ka ri Bangladesh bad kane ka jingpynrung kam ka la sdang ha ki lai tylli ki jaka, ha Mawpat Shillong, ha Khliehriat bad na ka bynta ka Garo Hills la pynlong ha Tura.
Na ka liang jong ki BSF ki la bthah ia kito kiba kwah ban ioh rung kam shipai BSF ba kinleit sha kitei ki jaka kiba la buh. Na ka bynta ka East Khasi Hills bad South West Khasi Hills District ka long ha Mawpat, na ka bynta ka East Jaintia Hills bad West Jaintia Hills ka long ha khliehriat bad na ka bynta ka Garo Hills kan long ha Tura.
Na ki khatwei tylli ki District ha ka jylla Meghalaya phra tylli ki district ki don ia u pud u sam ba syndah bad ka Bangladesh bad kita ki long ka ,South West Garo Hills district, West Garo Hills district, South Garo Hills district, South West Khasi Hills district, South West Khasi Hills district, East Khasi Hills district, East Jaintia Hills district, West Jaintia Hills district.
Kino kino kiba kwah ban rung ha ka kam BSF ki samla shynrang ki lah ban leit ia shim bynta ha katei ka jingpynrung kam kaba kyrpang ia laba la pynlong na ka bynta ka jylla Meghalaya.(SP News)
