Shillong, Risaw 17: Kum ka jingpynshlur ia ki samla ban kyntiew ha ki kam ia lehkai ha kane ka jylla Meghalaya ka seng Shooting Association of Meghalaya (SAM) kan pynlong la shai ka sngi ia ka jingiakop siat pistol kaba 10 meter ha Pynursla.
Ia kane ka jingiakop yn pynlong ha St. Anthonys Higher Secondary School stadium da ka jingiatreilang bad ka Pynursla shooting club. Kane ka jingiakop siat kan long na ka bynta ar sngi bad kan sdang ha ka por 9 baje mynstep.
Ia kane ka jingiakop siat la phiah ha ki ar kynhun kawei na ka bynta ki khynnah kiba 9 snem haduh 18 snem ka rta bad kawei pat kan long na ka bynta kito kiba la 18 snem shaneng na ka bynta ki kynthei bad shynrang.(SP News)
