Shillong, Iaiong 19: Ka kynhun shipai jong ka Area 101 mynta ka sngi ka la pynlong ia ka jingkilamet ha madan polo ban pynkhreh na ka bynta ka jingpyninam ka ban long la shai ka sngi ban rakhe ia ka jingdap 50 snem jong ka jingdon kane ka kynhun shipai ha kane ka nongbah Shillong.
Ia kane ka kynhun shipai la wanrah ha kane ka nongbah dei ha u snem 1962 ha kaba ka China ka la wan hiar thma ia ka Ri India bad kane ka kyhun ka la shong naduh katei ka por haduh kine ki sngi.
Kane ka kynhun shipai ka la long kawei na ki para kynhun shipai kiba la ia don bynta ha ka jingpynlait luid ia ka East Pakistan sha ka Ri Bangladesh kumba ka long mynta bad dei kane ka kynhun shipai kaba la poi nyngkong ha Dhaka ha u snem 1971.(SP News)
