Shillong, Lber 10: Wat la ka election ka la don ha khmat eh, hynrei na ka liang jong ki seng riewlum haduh mynta kim pat lah ban poi ha kawei ka rai ban jied ia u kyrtong ban ia khun pyrshah ia ka seng Congress na kane ka 1-Shillong Parliamentary Seat.
Ha ka jingialang kaba la long mynta ka sngi na ka daw ba kim shym la ia poi lut baroh ki seng riewlum ym shym la lah ban rai ia u kyrtong. La ong ba kin dang ia kynduh biang la shai ka sngi ban ia kren bad ban shim ia ka rai.
Kumba ka long mynta kiba la thikna ban ia khun dei tang u Pastor PBM Basaiawmoit kum u kyrtong shimet bad na ka liang jong ka seng Congress kan dang pynmih ai ka kyrteng jong u kyrtong ha ka Balang.
U Bah AF Dkhar nongai ktien ka seng UDP haba kren ha u SP News Agency u la ong ba ki seng riewlum kin dang ia kynduh biang la shai ka sngi ba kin ia shim ia ka rai ha kaba ia dei bad u kyrtong MP kaba kin pynieng ha ka kane ka MP election sha Lok Sabha.(SP News)
