Shillong, Nohprah 12: U Chief Executive Member jong ka JHADC u bah PN Syiem u la pynsangeh noh ia ka jingiashong pyrkhat kam jong ka Executive Committee hapoh jong ka KHADC kaba dei ban long mynta ka sngi, hynrei la buh ba kan long ka shai ka sngi.
Ka jingkhot jong u CEM ia kane ka jingialang kaba kyrkieh ka long ban ia kren halor ka kaiphot kaba la phah da ka Delimitation Committee kaba la thaw da ka KHADC ban pan jingmut na ki paidbah ha kaba ia dei bad ka jingpynkhreh ban phiah ia ki MDC Constituency.
Kumba ka long mynta na ka liang jong ki paidbah ka Laitkroh MDC Constituency ki pyrshah jur ban pynduh ia kane ka Constituency kaba la don, katba na ka liang jong ki paidbah ki thain Ri Bhoi ki kwah ban don noh ia ka Umsning MDC Constituency.
Ki thymmei khubor ki iathuh ba ka shong ka EC kaban long la shai ka sngi la kin pdiang ne kyntait ia ka kaiphot kaba la pynkhreh da ka Delimitation Committee. (SP News)
