Shillong, Lber 13: Ka East Bengal kan ia khun pyrshah ia ka Shillong Lajong FC ha ka lympung kaba 21th la shai ka sngi ha ka I-League ha Salt Lake Stadium, Kolkata kane ka jingialehkai kan long ha ka por 5 pm jan miet la shai ka sngi.
Kumba ka long ka Shillong Lajong FC kala dang wan sha khmat ha ki jingialehkai ha kaba kila ia ioh mar ar kol bad ka Pune FC ha kaba kala ioh ban thep lyngba jong u Uilliams Souza Silva bad ka don ka jingkyrmen ba kin sa leh bha ha ka jingialehkai la shai ka sngi.
U Coach jong ka Lajong u Thangboi Singto u la ong ba u la ong ba u “Uilliams u la ioh ban thep lai tylli ki Goal na ki lai tylli ki jingialehkai katba ban jop pat don kam ban ia lehkai kum ka kynhun.
Ka Shillong Lajong kam pat don ka jingialehkai kaba bha ha dien jong ka Federation Cup ha kaba kala ioh tang 2 point na ki lai tylli ki jingialehkai kane ka jingialeh kai bad ka East Bengal ka long kaba don kam na ka bynta ka Shillong Lajong.
U Thangboi Singto u la ong ba ka Red ka dei ban jop khnang ba kan ioh ia ka 5 point namar ka East Bengal kumba ka long mynta ka dang don tang 2 point. Ha ki saw tylli ki jingialehkai ha ka I League.(SP News)
