Shillong,Jylliew 19: U myntri ba dei peit ia ka tnad bor ding jong ka sorkar Meghalaya u Clement Marak yn leit ban jurip da la de ia ka Myntdu Lehksa Hydel power project ban ioh ia ka jingtip kaba bniah ia ka jingtrei ha kane ka jaka.
Kane ka jaka pynmim bor ding eletrik ka dei ka jingtei kaba la wan burom ia ki engineer jong ka MeECL namar dei tang kane ka project kaba heh ha ka jylla kaba la lah ban pyntrei kam wat la ym shym la lah ban pyndep ha ka por kaba la buh.
Kane ka project ka dei kaba la shah kynthoh ha ki ba bun ki liang khamtam na ka liang jong ki briew kiba don ha ka sain pyrthei, hynrei ka dei ka project kaba ka jylla ka lah ban sngewsarong pat ba wat ha pdeng ka jingshah kynthoh ka la trei kam kum ba ka long mynta.
Ka jingthoh shah kynthoh jong kaneka jaka pynmih bor ding ka dei khamtam eh ha ka jingkiew ka dor jong ka kaba la palat na ka dor ba la mang ha ka por bas dang ban pyntrei ia ka. Ka jingleit jong u myntri la shai ka sngi ka long ban lap ia ka jingshisha baroh ha kaba ia dei bad kane ka project.(SP News)
