Tura, Lber 19: U shong knor jong ka iing dorbar jong ka Ri India ba mynshuwa u Puron A Sangma yn sdang la shai ka sngi ia ka jingialap MP election ha Adokgre ha North Garo Hills kaba ia khappud bad ka jylla Assam.
U Purno u la jop ia ka MP elelction na ka 2-Tura naduh u snem 1977, u Purno haba kren ha ki nognthoh khubor mynta ka sngi u la iathuh ba la baroh ki seng sain pyrthei kila kyrpad ia u ba u dei ban phai biang sha ka National politic namar ki paidbah na Garo Hills ki don kam ia u ban leit sha Delhi kum u nongmih khmat.
La ong shuh shuh u PA Sangma ba kane ka jingleit phai biang ka jong u sha ka National Politic kan ia rap ia ki paidbah Garo ha ki ba bun ki liang, halor ka jingkynnoh ba u khlem leh ei ei ha kine ki snem kiba la leit noh, u Purno u la ong ia nujor ia ki kam kiba u la leh bad kaei kaba ka sorkar ka leh.
U Purno u la thoh ia kawei ka kot kaba la ai kyrteng “Talatani” kaba mut ka jingbatai ia kaei kaba u le leh na ka bynta ki paidbah ha Garo Hills. Haba kren ia kane ka sorkar kaba mynta u la ong ba ka sorkar kala bakla ha kiba bun ki liang ha kaba ka NPP kan nym shong kli kti.
Ha dien ba u la mih na ka seng Congress u PA Sangma u la ia khun ia ka election na ka NCP, nangta na ka TMC bad mynta na ka NPP ka seng kaba u la suit la shor hi da lade bad u don ka jingkyrmen ba kane ka party jong u kan jop bun ki seat ha kane ka election kaba mynta.(SP News)
