Shillong, Rymphang 14: Ka Shillong Sports Association (SSA) kan pynlong ia ka lympung ialehkai na bynta ki khynnah U-14 Football Tournament, naduh ka 15 tarik u Rymphang haduh u bnai Lber ha ka por 10 baje mynstep ha Ground-II, Polo.
Ha kane ka sngi sdang, kin don san tylli ki jingialehkai bad ki kynhun ban iuh kjat nyngkong ki long ka Royal Wahingdoh pyrshah ia ka Lummawbah S.C.
Ka SSA ka la pyntip ba ha kiwei pat ki sngi kin don tang ar tylli ki jingiakhun ha ka por 4 baje janmiet ha Ground-II bad III, ia kane la pynbeit kum shibynta ban ai lad ia ki khynnah na ka daw ba ki skul ki la sdang mynta ka u bnai.
Ha kane ka sngi, u Bah L.M Sawian, President jong ka Meghalaya Football Association (MFA) uba long ruh u Vice President jong ka All India Football Federation (AIFF) un long kum u Kongsan ban plie pyrda ia ka Tournament.(SP News)
