Shillong, Naitung 25: Kumba palat 150 ngut ki nongaidawai kynbat, ki nongpynkhakhun, ki nongkhem, kynthup ruh ia ki nongthain jain, ki la poi sha ka awarness program ba la pynbeit da ka Martin Luther Christian University(MLCU) bad ka Society for Promotion of Indigenous Knowledge and Practice (SPIKAP), ka la pynlong ia ka jingialang ha , ha St Michael Hr Sec School, Umsning, Ri-Bhoi District.
Ha katei ka jingialang kaba la jan saw kynta, la pyniaid da ki nonghikai bad ki dkhot jong ka MLCU bad SPIKAP halor ka jingdonkam ban don ka jingthoh kaba bniah halor ki kynbat kiba kyrpang jong ka jylla Meghalaya.
Ia kitei ki jingbatai ba bniah la ioh na MLCU bad SPIKAP ba la pynshai da u Dr Kitboklang Nongrum, i Kong Badalam Dkhar, i Kong Badashisha Marbaniang baroh lai ngut na MLCU bad u Bah John F Kharshiing, Chairman, SPIKAP.
Hadien ka jingiatai, u Bah John F Kharshiing, Chairman, Society for Promotion of Indigenous Knowledge and Practice (SPIKAP), u la pdiang Sngewbha ia ki Nongaidawai kynbat, ki Nongpynkhakhun, ki Nongkhem, kynthup ruh ia ki Nongthain jain, ia ka jingnoh synniang, ka jingtrei shitrhem kaba shisur ka jong ki ha kaban kyrshan ia ka koit ka khia jong kiba kyrduh kiba shitom bad khamtam ki nongpynkhakhun kiba la kit la bah ia kane ka kam dalade khlem kano kano ka jingkyrshan na ki bor Sorkar.
Ki nongaidawai kynbat, ki nongpynkhakhun, ki nongkhem, kynthup ruh ia ki nongthain jain, ki la pynpaw ia ka jingsngewkhia halor ka jingshitom ban ioh ia u dawai kynbat bad ki la pynpaw ia ka jingdonkam ban pyrkhat sani bha halor katei ka phang.
Na ki laiphew saw(34) ngut ki nongpynkhakhun phra ngut na ki la long kiba la pynkha khun palat 20 snem bad ki la wad jingtip la ka don ne em kano kano ka lad jingiarap na ka bynta jong ki namar ka jingshakri jong ki ia u paidbah sha kyndong.
Ki nongthain jain ruh ki la pynpaw ba la sdang ban mih ka jingeh ban ioh ia u kynbat uba ki donkam ban wieh rong ia ki jain kaba ki thain.
Ha katei ka jingialang bad ki palat 150 ngut ki nongaidawai kynbat, ki nongpynkhakhun, ki nongkhem, kynthup ruh ia ki nongthain jain, kiba la wan na ki 44 tylli ki shnong, la shem ba 24 tylli ki shnong ki long kiba don ki khlaw shnong, khlaw kur khlaw shimet, khlaw balang bad khlaw raid.
u Bah John F Kharshiing, Chairman, Society for Promotion of Indigenous Knowledge and Practice (SPIKAP), u la ong ba ka por ka la poi ba kitei baroh ki jingstad hap ban buh rynthih noh da ka jingthoh kaba bniah ia ka kam jong ngi na ka bynta ka pateng kaban sa wan.
Ha katei ka awareness program u Bah John F Kharshiing, u la pynpaw ia ka jingsngewnguh kaba khraw ia ki bor Sorkar Jylla bad bor KHADC na ka bynta ka jingmynjur ka jong ki ban pynjari ia ka ain Khasi Hills Autonomous District (Protection and Promotion of Khasi Traditional Medicine ) Act 2011, kaba la mih ha u treikam naduh u bnai October 2011.
U la ong ba ia mynta kaba sah ka long ba ki bor KHADC kin hap ban pynkhreh ia ki RULES na ka bynta katei ka ACT. Bad ka KHADC ka la dep thung ia ka commission kaba kyrpang na ka bynta ban pynbit pynbiang ia ki Rules
U Bah John F Kharshiing, Chairman, Society for Promotion of Indigenous Knowledge and Practice (SPIKAP)la ong ba ka long kaba kongsan bha ba ngin pyrkhat sani bha halor ka mariang ban pynneh pynsah bad u la ong ba un sa kyntu ia baroh ki Dorbar Shong kiba don ki khlaw shnong, khlaw kur, khlaw shimet, khlaw raid ba kin lum dorbar ban pynlong dorbar kyrkieh ban iakren halor kumno ban thung bad ban rep ia ki dawai kynbat kiba mih ha kitei ki khlaw. U la ong ba hashen yn sa khot ia ka jingialang jong baroh ki Ki nongaidawai kynbat, ki nongpynkhakhun, ki nongkhem, kynthup ruh ia ki nongthain jain ha nongbah shillong.
Ki nongaidawai kynbat, ki nongpynkhakhun, ki nongkhem, kynthup ruh ia ki nongthain jain, ki la pynpaw ia ka jingkmen ban ioh kum katei ka awareness program kaba la myntoi shibun ia ka kam sumar tynrai.
U la kyntu ia baroh ba kin wan shakhmat bad ban long kiba la khreh khnang ba ki paidbah kiba na shabar Ri kin poi ruh sha ki thain Ri Bhoi. U la tyrwa ia ka jingiatrei lang ha kum kane ka kam ban pynshlur ia ki rangbah bad longkmie kiba la kyrshan ia ki bor Sorkar ha ka koit ka khia. U la kular ruh ba rah ia kine ki jngshem ki jong u sha ki bor Sorkar.
U Bah John Kharshiing, u la ong ba da ka jing pynjari jong katei ka ain kan sa plie ka lynti ia ki paidbah ban kyntiew shuh shuh ia ka koit ka khia kaba ia dei bad ki kam jngoh bad shang pynthei (Health Tourism).
U la pyntip ba ka SPIKAP ka dang pynlong ka jingtohkit ban wad bniah ia baroh ki nongsumar tynrai, kynthup ka jing wer ia baroh ban shongdur bad ban thoh ia ka kyrteng jong ki sla kynbat baroh kaba ki juh pyndonkam.
U la kyntu ia ki dkhot SPIKAP, ban bteng ia ki kam babha bad ba ki dei ban shim khia ban pyndon kam lang ia ka jingstad jong ki bor thymmai science ban myntoi ki paidbah na ka jingsumar tynrai,
u Bah John F Kharshiing, Chairman, (SPIKAP) la kyntu ia baroh ba kin wan shakhmat bad ban long kiba la khreh khnang ba ki paidbah kiba na shabar Ri kin poi ruh sha ki thain Ri Bhoi. U la tyrwa ia ka jingiatrei lang ha kum kane ka kam ban pynshlur ia ki rangbah bad longkmie kiba la kyrshan ia ki bor Sorkar ha ka koit ka khia. U la kular ruh ban rah ia kine ki jingshem ki jong u sha ki bor Sorkar
Kiba la kren bad kiba la ia don lang ki long u Bah H Skhemlon, Sirdar Hima Mawdon, u Bah Albinus Lyngdoh, Dkhot ka Dorbar Raid Umket, bad kiwei.(SP News)
