Shillong, Niaiwieng 30: Da ka jingthmu ban kyntiew ia ka jingak phlim ha ka ktien khasi la thaw ia ka sngi jong ka kynhun jong ki nongpynmih phlim khasi da ka jingthmu ban ia khusnam ia kiba la leh bha ha ka jingak ka jong ki. Kane ka jingai ia ki khusnam kan sdang ha u snem 2013.
Na ka liang jong u Secretary jong ka seng u Bah Wankibok Pohshna u la ong ba kino kino ki phli khasi kibala pynlait paidbah haduh jong u bnai iaiong 2012 mynta u snem ki lah ban ia shim bynta ha kane ka jingiakop na ka bynta ban ioh ban jit ia ki ba bha tam eh.
Kine kino kiba kwah ban ia shim bynta ki lah ban ai ha kine ki jaka Doly Music khyndailad, Iewduh, lane ki lah ban phah sha kane ka- www.khasifilmsawards.org. la ong ba lada ka sorkar kan pynbiang ia ka studio kan long kaba bha ia ki nongpynmih phlim namar ka jinglut ka long kaba bun.
Lada lah ban don la ka jong ka studio kan iarap shibun ban kyntiew ia ki samla kiba don ha kane ka kam bad kane ka long ka lad kamai ia kiba bun wat la ka jingioh ka long kaba ri.(SP News)
