Shillong, naitung 31: Mynta ka sngi la tih kumba 13 tylli ki deing na khyndailad namar ba ki la kah ia ka sign Board jong ka Company Dalmia. Saw snem mynshuwa ka sorkar ka la ai sha katei ka Company ba peit bad pynitynnad ia katei ka jaka kaba la jer kyrteng Kyndailad Rotary.
Namar ka sorkar ka la ai sha katei ka company ia kane ka jaka ba kan thung ia ki dieng ki syntiew ban pynitynnad ia kane ka jaka ba kan jyrngam, na ka liang jong ka company ruh ka la leh ia ka kamram jong ka da kaba thung ia ki dieng bad ki syntiew.
Hynrei mynta kineki dieng ki la heh la san bad ki la sdang ban kah iaki sing board jong ka company kiba la buh ha ka ha katei ka jaka. Na ka liang jong ka Company ka la sngewdei ban tih noh ia kine ki deing khnang ba ki sign board kin paw shyna ha kaba ki paidbah ba iaid ba ieng ha kane ka jaka kin iohi.
Kiba iaid ba ieng na kane ka jaka kiba iohi ia kane ka jingthih ki laong ba ka sorkar ka la ai bor ia ka company ban thung bad ka shong ruh ha ka company ban tih ha ki la wit ia kaei kaba ki kwah.
Na ka liang jong ka sorkar ka la juh buh ia ki jingpyrta ha kylleng ka shillong ‘Keep Shillong Green and Clean’ katba ha kawei pat ka liang ka la ai bor sha ka company ban thung bad ban tih katkum ka jingsngewbit ka jong ki.
Kane ka jingleh jong ka sorkar bad ka company ka long na ka bynta ka jingmyntoi ka jong ki namar ka sorkar ka la ai lad katba mon.(SP News)
