Shillong, Iaiong 28: Ka North Eastern Electric Power Corporation Limited kaba dei ka company jong ka sorkar pdeng kan leit sha ka Ministry of Power jong ka sorkar pdeng lada ka sorkar Meghalaya kam treh ban siew ia ka T.243.34 klur kaba dei ka bai light.
Ha ka jingialang kaba la long ha Delhi ha ka 12.11.2012 ka sorkar Meghalaya ka la ai ia ka jingmynjur ba kan siew ia ka bai light kaba sah ha ki 24 sin siew bad ia ka jingsiew kaba nyngkong ka jylla Meghalaya ka la siew ha ka 07.02.2013 bad kane ka jingsiew ko long T. 50 klur ha dien kane kam shym siew shuh.
Lada ka sorkar Meghalaya kam siew ha kine ki sngi ka NEEPCO kam banse ban leit sha ka tand pynmihbor ding jong ka sorkar pdeng Ministry of Power ban ong ba ia ka pisa kaba dei ban phah sha ka sorkar Meghalaya dei ban phah noh sha ka NEEPCO haduh bad a dep ia ka bai light.
Wat la ka NEEPCO kala dep ban ot ia ka light ha ka 25 tarik mynta u bnai hynrei na ka liang jong ka sorkar Meghalaya haduh mynta kam shym la leh ei ei na ka bynta kane ban ia pynbeit bad ka NEEPCO ong ki tyllong khubor.(SP News)
