Shillong, Kyllalyngkot 22: Ka AICC secretary ba dei peit ia ka jylla Meghalya ka Vijay Laxmi Sadho kala wan sha Shillong mynta ka sngi ban ia kynduh ia ki MLA jong ka seng Congress ban ia phylliew jignmud kumno ban ia kren halor u kyrtong u ban ia khun ha kane ka election kaban wan.
Ha kane ka jingwan jong ka ha Shillong kala pynlong ia ka jingiakynduh ia ki MLA jong ka seng marwei marwei na baroh ki District bad ia ki nongialam jong ka MPCC bad kiwei ki kynhun seng jong ka seng Congress.
Kane ka jingia kynduh ia ki nongialam ka seng ka la sdang mynta ka sngi ha Pinewood Hotel. Kane ka jingiakynduh ia ki nongialam ka long ba kin pynsngew ia kaei kaba ki don ban ong halor ka tiket MP.
U Bah Vincent H Pala u ba dei u MP na ka seng Congress mynta u la don lang ha kane ka sngi bad haba kren ha ki nongthoh khubor u la ong ba lada ka party kan nym ai tiket yn nym ia khun ia ka MP Election na ka 1-Shillong Parliamentary Seat.
Kiwei ki kyrtong kiba ia pan tiket ki long u Bah John F Kharshiing bad u bah Charles Pyngrope speaker barim jong ka dorbar jylla.
Katba na ka bynta ka 2-Tura Parliamentary seat ki ba pan tiket ki long don bun ngut kiba kham paw ki long u Daryl William Cheran Momin, khun ksiew jong u Capt Williamson Sangma bad u para jong u Chief Minister u Zenith Sangma.(SP News)
