Nongstoin, Jylliew 16: Ki paidbah nongshong shnong jong ka Mawthabah ki la pynpaw ia ka jingsngewbitar ka jong ki ia ka jingleh jong ka Meghalaya Energy Corporation Limited (MeECL) kaba la leit ban buh tang ia ki dingpost electric , ki sainar bad kiwei kiwei ki tair ring eletrik hynrei mynta la shisnem ki khlem shna shuh haduh mynta.
Katkum ka jingiathuh jong ki trai shnong na katei ka jaka ki ong ba ha ka por ba ka MeECL ka pynkhreh ban pynpoi ding eletrik sha katei ka thain ki don lait tylli ki shnong, ka Nongtynger, Nongbah Jarin bad ka Mawthabah. Ia ki tair light la pynpoi ha ka juh ka snem ha u snem 2011.
Na ka liang jong ki kontraktor kiba pyntrei ha ka shnong Nongtynger bad Nongbah Jarim ki la dep kajingtrei jong ki tang ba ka MeECL haduh mynta kam pat ai bor ding eletrik ha kitei ki ar tylli ki shnong katba na ka liang jong ka MeECL ka la dep ong ba la dep.
Katba ha Mawthabah la sdang ia ka jingtrei tang ha kaba tih ia ki thliew bad nangta la sangeh haduh mynta kiba trei ha ka katei ka jaka kim shym la leit mih haduh mynta. Na ka liang jong ki paidbah nongshnong shnong ki la ngaih ban pynap ei ia kitei tei ki tiar jong ka MeECL bad la ong ba lada ka MeECL kam treh ban sdang noh ia ka jingtrei ka la bha ban kin die kilo noh.(SP News)
