Shillong, Jymmang 16: Ka sorkar Meghalaya mynta ka sngi ka la bthah ia ki Deputy Commissioner ha baroh ki District ba kin pyntip sha baroh ki paidbah bad ki rangbah shnong kaba lah ban pyntip ba ka erlangthri kaba sherkhei ka la kiew na Bangladesh bad katkum kane btah kaba la ioh na ka kynhun ai jingmud ha kaba ia dei bad ka jingwan ka erlangthari la bthah ba ki dei ban pyntip sha ki paidbah ba ki bor shnong ba kin khanglut ia ki skul la shai ka sngi.
Na ka liang jong ki Deputy Commissioner jong ka jylla mar ia ioh ia katei ka jingpyntip ki la pyntip sha baroh ki rangbah shong katba ioh ei katba lah ei khnang ba kan long ka jigiada ia ki paidbah. La bthah ia ki bor shnong ba kin pynbna paidbah ia kane ka jingpyntip sha ki shnong ki thaw.
Baroh ki Deputy Commissioner khamtam kito kiba dei peit ia ki bynta ba shathi jong ka jylla kaba ia khap bad ka Bangladesh, ki la pyntip sha baroh ki police station, ki jaka ai jingsumar bad kin long kiba la khreh ban ia leh lada ka mih kano kano ka jingjia ba sngewsih na ka daw jong kane ka erlangthari.
U Deputy Commissioner jong ka West Khasi Hills u Bah S Kharlyngdoh mynta ka sngi u la phah khubor sha baroh ki rangbah shnong lyngba ka SMS ba ka erlangthri kaba jur bha kaba wan na Bangladesh ka lah ban poi sha kine ki lum khasi mynta ka miet ne la shai ka sngi, kum ka jingiada la bthah ba la shai ka sngi dei ban khan glut ia ki skul baroh ban lait na kano kano ka jingmynsaw.
Ha kane ka jingpynbna paidbah jong u Deputy Commissioner u la bthah ba ki ba ioh ia kane ka SMS lyngba ka mobile jong u DC ki dei ban ia pyntip lem sha ki para lok para jor ki para shong para thaw ba kin long kiba husiar ba lada jia ba kane ka erlangthri ka kiew sha kine ki lum khasi kan nym jia kano kano ka jingjia ba sngewsih.
Ia kane ka SMS la phah sha baroh ki rangbah shnong ba kin pynbna paidbah ha ki shnong ki thaw ki jong ki. La bthah ba ki paidbah kim dei ban ktah ia ki ksainar eletrik lada ki iohi bad ki lap ba ki don kiba dkut lane kiba khyllem ba ioh ka mih kano kano ka jingjia ba sngewsih.
La bthah ia baroh ki District Disaster Management, Ki Gram Sevak ki BDO ba ki dei ban don ha ki jaka trei ka jong ki na ka bynta ki 48 kynta ki ban wan. Lada don kano kano ka jingjia kaba sngewsih pyntip sha une u phone numbo 2225289 bad sha ka tnad pulit numbo 100.
La bthah ia baroh ki bor sorkar kiba don ha ki dong bapher bapher ba kid ei ban khreh ia ki lad ai jingiada ha ka liang ki mar bam mardih ki jain ki nep bad katkum ka jingai jingtip na ka North Eastern Space Application CentreUmiam ka jylla Meghalaya kaban shah ktah palat.(SP News)
