Shillong, Jymmang 11: U Bah Francis Khongwir u ba bat ia ka kyrdan cashier hapoh jong ka iing dorbar thawain ka jylla ha ka sngi thohdieng u la leit ban aiti hi ia lade ha khmat jong ki pulit ka jylla Meghalaya ha dien ba u la shah kynnoh ba u la pyndon kam bakla ia ka pisa jong ka Assembly palat ia ka T.40 lak tyngka.
U SP jong ka East Khasi Hills haba kren ha u SP News Agency u la pynthikna ba u Bah Khongwir u la wan aiti hi ha khmat jong ki pulit ha ka sngi Thongdieng mynta u bnai, na ka liang jong ki pulit kin sa sdang ban tohkit ha kaba ia dei bad katei ka jingjia.
Na ka liang jong ka Assembly Secretariat ka la ai da ka jingujor sha ki pulit ka jylla pyrshah ia u Bah Khongwir bad la weng ruh shipor ia u na ka kam kaba u bat. Katkum ki lad khubor kiba la ioh la ong ba kane ka pisa kaba la shah kynnoh ba la pyndon kam bakla ka dei ka pisa Discretionary grant jong ki MLA. (SP News)
