Guwahati, Jylliew 23: U Ranjan Daimary, chairman jong ka seng National Democratic Front of Bodoland, (NDFB), u la lait jaminmynta ka sngi ia kaba la set ia u ha Guwahati central Jail. Ka jingpynlait ia u ka long dang step mynta ka sngi.
Na ka liang jong ka jaidbynriew Bodo mynta ka sngi dang step ki la ia ap ha katei ka jaka da kaba rah ryngkat ia ka dur jong u tei u nongialam jong ki bodo bad ki syntiew ki skud. Ki dkhot jong ka Bodo women justice forum ruh ki la ia don lang ha kane ka sngi ban pdiangburom ia u tei u nongialam ka NDFB.
Ka Anjali Daimary, ka para kynthei jong u Ranjan Daimary ka la ong ba da kane ka jinglait jamin u hynmen jong ka ka jingiakren ia suk kan sa iaid sha khmat bad ka don ka jingkyrmen ba kin sa ioh ia kaei kaba ki paidbah bodo ki la juh dawa na ka por sha ka por.
Mar ia mih na phatok haba kren ha ki nongthoh khubor kiba la ap ha katei ka jaka u Ranjan Daimary u la ong “ mynta nga la mih bad nga kyrmen ba ngan sa don bynta lang ha ka jingiakren ia suk”. U la ong ruh ba u kwah ba ia kane khyllipmat kaba kmen jong kai paidbah kan long ka jingsuk na ka bynta ki jaid bynriew bodo.
Ia u Ranjan Daimary, la wanrah na Bangladesh sha India ha dien ba la ioh ban kem ha ryngkat ki nongialam jong ka seng ULFA. Ia u ne u nongialam jong ka NDFB la pynngat ha ki khatsaw tylli ki jingshah pharep bad kita ki kynthup ia ka jingpynbethei bom ha kylleng ka jylla Assam kaba la pynkyndit ia ka Ri India baroh kawei.(SP News)
