Shillong, Naitung 17: Mynta ka sngi ha ka por 8.30 baje mynstep u area commander jong ka seng HNLC u la lait phet na NEIGRIHMS Hospital kaba u shah sumar.
Ia u Pharnailang Swear la kem da ki pulit jong ka Jowai bad la wanrah sha Shillong ban tohkit ia u halor ki case kiba don ha East Khasi hill, ha katei ka jaka sumar kaba la buh kyrpang ia u tei u dkhot jong ka HNLC la ap pahara da ki pulit.
Halor kane ka jinglait phet jong u tei u HNLC na ka liang jong ki pulit ki la kem ia u arms branch constable u Meytush Sangma No 289 bad ia u arms branch constable u Bah Sanborlang Shylla No 2460.
Na ka liang jong ki pulit ki don ka jingsuba kaba jur ba dei kine ar ngut kiba la iarap ia u tei u dkhot ka seng HNLC ban ioh phet na katei ka jaka sumar. Ia kine ki ar ngut ki pulit la kem ban tohkit bad la shai ka sngi yn rah ia ki sha iing bishar.
Ha kawei pat ka jingjia na ka liang jong ki pulit ki la lap ia u draibar u ba jan na ka kali kaba la lap na Lumawbah. Ia ka met jong une u draibar ia kaba la tip kyrteng kumu bah Coniwell Thabah la lap mynta ka sngi na Umlyngka bad ki pulit ki suba jur ba ka dei ka jingshah pyniap.(SP News)
