Shillong, Jymmang 25: Lada peit ha kaba ia dei bad ka jingtei ia ka jaka ialehkai ha NEHU ia kaba la tip kum ka Special Area Games (SAG) da ka Sports Authority jong ka Ri India, ka dei kaei kaei kaba hap ban ia kdewlang namar kumba ka long mynta ka jingpyndep ia kane ka madan ialehkai kan dang jngai.
Bun na ki rang bad ki thei ialehkai ki don ka jingkyrmen ba kane ka jaka kan long ka pnia ban sei ia ki riew don sap ha kane ka thain ha ki kam ia lehkai kiba ha rukom. Kumba kalong mynta ki samla ka dong shatei lam mih ngi jong ka Ri India ki don tang ki don kam ia ka jaka ai jinghikai.
Kumba ka long mynta ka jylla Manipur kala pyni ba ka don ia ka sap ka phong ha ki kam kilan met ym tang ha ka Ri India hynrei wat ha ka pyrthei ruh kumjuh kumba ki la pyni ha ki jingialehkai ki bapher bapher kaba ki la leit ban mih khmat ia ka Ri.
Ka jingkylli mynta ka long la kotno ngut ki myntri jong ka sorkar pdeng jong ka sorkar jylla kiba la leit ban jurip ia kane ka jaka bad ha dien ba la dep ban jurip kala mih ka jingkular ban pyndep noh kloi ia kane ka jaka ialehkai.
Kumba ka long mynta kane ka jaka ka dang islem ban dep kumta ka sorkar pdeng bad ki sorkar jylla kane ka thain ki dei ban shim khia ia kane ka kam ban pyndep noh ia ka na ka bynta ka jingmyntoi ki theoi bad ki rangialehkai kane ka dong shatei lam mih ngi jong ka Ri India.(SP News)
