Shillong Iaiong 04: Ka FKJGP Upper-Shillong Circle kum shibynta ban buddien ia ka jing long jing man khamtam eh ha kaba iadei bad ka koit ka khiah jong ki paidbah Nong shong shnong jong ka thain hi baroh kawei lyngba ka jing don bad ka rukom ai jingshakri lyngba jong ki PHC ha ka thain Upper Shillong, mynne ka sngi i.e. 3rd April 2013 ka seng hapoh ka jingialam u Samla Kitboklang Nongphlang President FKJGP Upper Shillong Circle kala pynlong ia ka jing leit jurip kaba kyndit kyndit ia ka P.H.C.Pomlum, Upper-Shillong ban lap ia ki jingshisha baroh, ha katei ka jingleit jurup jong ka Seng la iohlad ban iakren bad katto katne ngut ki Riew paidbah kiba la wan wad ia ki jingiarap ban sumar na ka bynta ka koit ka khiah lyngba jong katei ka P.H.C. ha kaba na ka liang ka jong ki paidbah kila pynpaw ia ka jingbynniaw kaba khraw ba lehse ki bor kiba dei khmih ia ka koit ka khiah kim pat lah satia ban pynurlong ia ka jingangnud jong ki paidbah kumba ki khmih lynti ba katei ka PHC kan ai ia ka jingshakri kaba bha tam bad ka ban long lynter 24 Kynta (24 Hrs) khnang ban pynsuk shuh shuh ia ki paidbah Nong shong Shnong kiba shong ba sah ha kine ki bynta jong ka Khapsor. Ha kajuh ka por pat ki paidbah kila ai ka jingiaroh ia ki nongtrei ha kane ka PHC, Pomlum la ka long naduh ki Doctors, Staff Nurse bad kiwei kiwei kiba la pyrshang katlah kat iai ban ai ka ka jingshakri katkum ka jinglah ka jong ki wat la ki don makna shibun ki jingduna la ka long ha ka liang jong ki Staff (Man Power), ki tiar ki tar kiba long Technical ban ai jingiarap ia ki paidbah ha ka por ba ki donkam kyrkieh hynrei ki long pat kiba kloi ban pdiang ia ki Paidbah wat ha ka miet ka iong ruh kumjuh khlem da khein satia tang ban iohlad ban iarap ia ki paidbah kiba donkam kyrkieh.
Ha kane ka sngi watla ki Nongialam jong ka Seng kim shym la iohlad satia ban iakynduh ia u Dr. ba dei In charge ia katei ka PHC kata u Dr.P.P.Lyngdoh na ka daw ba utei u Doctor u hap ban leit attend ia kawei ka Training ba la pynbeit da ka Health Dept. hynrei ki Nongialam jong ka Seng kila ioh pat ban iakren bad iamir jingmut ruh bad ki 2 ngut ki Doctors kiba don ha katei ka P.H.C. ha katei ka sngi kynthup ia u Dr. W.L.Chyne bad kumjuh ruh I Dr. W.Mawlong ha kaba na ka liang ka jong ki ruh kila pynpaw ba ym lah satia ban len ba ki don katto katne ki jingeh ha katei ka PHC khamtam eh namar kadei ka PHC kaba hap ban ai ka jingshakri haduh palat 55 tylli ki shnong bad ha kaba na ka liang ka jong ki kila ai ruh ka jingkular ba ki long kiba kloi ban iatreilang bad ka Seng ha kip or kiba donkam baroh na ka bynta ka jingbit jingbiang jong ki Piadbah Nongshnong Shnong ha ka Thain Upper-Shillong hi baroh kawei.
Hadien ba ki Nongialam jong ka Seng kila iohsngew ia kitei ki jingeh na ki arliang mamla naduh ki Riew Paidbah bad kumjuh ruh ki Doctors jong katei ka PHC ki Nongialam jong ka Seng kila jurip ruh ia baroh ki kamra treikam bad jaka sumar Nongpang bad lap ruh ba ki dang don shisha shibun ki jingduna naduh ki Man Power kynthup ia u Medical & Health Officer (MBBS), Staff Nurses, Lab Technician, Pharmacist, Ward boy bad kumjuh ruh ki Staff kiba hap ha ka IV Grade ha kaba iadei pat bad ki jingdonkam jong ki Tiar ki tar (Materials Instruments) ruh la shem ba ki dang duna shikatdei eh la ka long naduh ka Generator, Radiant Warmer, Shadowless Lamp, Delivery Instruments, Manually Operated Suction Apparatus bad kiwe kiwei de ki jingdonkam kiban kham
pynsuk katkum ka jingdonkam ha man la ki khep. Na ka liang jong ka Seng shen kan sa leit ruh ban iakynduh ia u Director Health & Services (DHS) bad kumjuh ruh ia u Myntri ba dei khmih ia ka koit ka khiah bad ban dawa ruh na ka sorkar ba kadei ban pynbiang mardor ia ki jingdonkam baroh bad kumjuh ruh ban pynpoi noh ia ka bor ding Electricity , Water Connection sha ka Extension building ba la dep tei ha katei ka PHC bad ban shna ruh ia ki Staff Nurse Quarters, IV Grade Quarters bad kumjuh ruh ban pyn janai shuh shuh ia ka jingtreikam jong katei ka PHC da ka jingdon jong ki OPD (Allopathic), OPD (AYUSH Homoeopathic), Deliveries, Immunization, School Health Programme, Adolescence Clinic bad kiwei kiwei de katkum ka jing dawa jong ka por khnang ba ka jing don jong katei ka PHC kan long shisha ka jingkyrkhu na ka bynta ki paidbah Nong Shong Shnong bad lada ki bor sorkar ki sngap mynthi ka Seng kam banse ban shim da kiwei pat ki lad ki lynti ban pynbor ia ki bor ba dei khmih.
Shillong, April 3: One person identified as Kitbor Khongiong sustained injuries from the brawl that took place at Umlangpur, Khanapara in Ri Bhoi district on Wednesday.(SP News)
