Shillong, Kyllalyngkot 18: Ka seng ki samla pule jong ka thain Jaintia Hills, ka Jaintia Students’ Union (JSU) Central Body ka la pynpaw ia jingpyrshah jur halor ka jignthung kop sop-sop hapoh ka tnat Soil & Water Conservation (T), West Jaintia Hills kumjuh ruh ha ka tnat Industries ha ki jaitkam bapher bapher kaba la kot haduh 20 tylli eiei ki kam kiba lait bad la shu thung be-ain sop-sop khlem da pynbna paidbah bad kine ki 20 tylli ki kam ba la shu thung sop-sop da ki riew khwan kyntoi shimet ki kynthup ia ka kam kaba ha ka kyrdan Demonstrator (palat 20 tylli tam tylli ki Post), kiba la thung kum ki 3F ryngkat ka scale pay kaba 8300/= kumjuh iaka jingthung bad ruh ia ar tylli ki kam kiba lait ha ka tnat District Industries Centre Jowai kum ki Officiating
U General Secretary ka seng, u Bah Emperor Bareh u la ong, ha ka jingbuddien bad tohkit kaba bniah, ka seng ka la lap ia ki kam barieh sop-sop da ki riew khwan myntoi shimet bad ha kajuh ka por ka la pynpaw ia ka jingpyrshah kaba jur halor kane ka jingthep kam sop sop kaba la pynduh ia ka hok jong kiwei kiwei de ki samla wad kam wad jam hapoh ka Rilum Jaintia. Ka JSU kala dawa ba lada thung ia kino kino ki samla khlemkam wat lada ka long ha kano kano ka rukom ruh (3F/ Causal Appointees/ Adhok Appointees/ Contractual basis) ki dei beit ban ai iaka jingpyntip paidbah kaba biang khnang ba ki samla ba duh kam ki ioh iaka hop ban iakhun bad ka la dawa ba dei ban pynbna paidbah da ka lynti kaba dei.
Shuh shuh ka JSU ka ban jur ba lada ka Soil lane Industries lane kano kano ka department ka donkam kyrkieh iaki nongtrei ba shibit shipor katba ka DSC kam pat lah ban pyllong iaka Interview ki dei beit ban khot iaka Interview (Work on Interview) ryngkat ka jingpyntip paidbah hapoh ka ophis jongki khnang ba kanlong kaba khuid bad ka byn iashhah liang bad ki samla ki ioh lad ban ban thep iaki kam.
Na ka bynta kane ka jingthung kam sop sop ha kine ki ar tylli ki ophis na ka liang ka JSU kala dawa ba ia kine ki post baroh dei ban phah beit shapoh ka DSC ha kine ki khyndiat sngi khnang ba ka DSC ruh kan leh ia kaba donkam. Bad halor kane ka JSU kan iai bud dien bad lada lap ba ki kyntaid ban phah ia kine ki post shapoh ka DSC ka JSU kam shong klikti satia hynrei kan shim ia ka rai kaba kham tyngeh. Bad ha ka juh ka por la dawa ruh na kiwei kiwei ki tnad sorkar ba ki dei ban leh beit kumjuh. Pyngkut ka khubor na ka JSU.
