Shillong, jymmamg 02: Ka seng samla jong ka Mawkneng pyllun ki la lap lyngba ka RTI ia ka jingpyndam da ka sia lieh ha ki job card jong ki paidbah ba trei bylla 100 sngi ba ju tip kum skhim NREGA ha ka shnong Kyndong Wahlang.
katei ka seng samla ka la sei paidbah hynnin ka sngi ha ka jingialang kaba ba long ha shillong Press Club ia ka jingpyndonkam da ka sia lieh ha ki job card jong ki nongtrei bylla ha Kyndong Wahlang VEC,
ka Seng Samla ka la iathuh ruh ba lyngba katei ka sia lieh, ki nongpyniaid VEC ki la ioh ban bam bun bha ka pisa kaba wan lyngba ka skhim NREGA ha ka jingpyntrei ia ka surok shnong
President ka seng u bah C Rane haba kren ha ki lad pathai khubor u la ong ka jingioh lad jong ki nongialam VEC ban tah sia lieh ha ki job card jong ki paidbah, namar ba ki nong bylla ha ka tei ka 100 sngi kim ju ioh ban bat halade ia ki job card bad passbook, hynrei la bat beit da u chairman bad u ka VEC
Halor katei ka jingjia u la iathuh ba ki la ujor wat sha ki bor sorkar hynrei haduh mynta ka kam ka dang sahkut kumto ha ka jingphah tohkit, ia ka tei kam la leit ban tohkit da u BDO jong ka Mawphlang bad la lap ba ka don ka jingpyndonkam bakla ia ak pisa 1lak tam hynrei ia katei u paidbah um pdiang namar kat ka jingtip jong u paidbah kam long kumta.
Ki tei ki nongialam jong ka seng ki la ong ruh tang kumba 30 % na ka pisa la pyntrei hok ia ka akm kaba dei na ka bynta u paidbah u ba duk u ba suk hynrei 70 % pat la ia sam noh hapdeng ki nongialam ka VEC. Ka seng kala leit ruh ban ujor sha u superintendent police jong ka East Khasi Hill.(SP News)
