Shillong, Iaiong 05: Ki shipai BSF ki la lap ia kawei ka pla kaba la shi ieh kumto ha rud surok haka jaka kaba la tip kum ka Sonapur ha East Jiantia Hills District bad kane kala pynlyngoh jur ia kiba iaid ba ieng na katei ka surok bah ban leit sha Silchar, haba ki BSF ki la ioh ia kane ka jingtip ki la leit ban shim ia katei ka pla bad haba ki la plié ki la lap kawei ka surok bad san jur ki uniphom shipai.
Ha kawei pat ka jingjia ki la ioh ban kem ia u wei u Khar Bangladesh ha ka shnong Mahendraganj jong ka South West Garo Hills District bad na u la ioh ban kurup T.8000 tyngka ka pisa thok da kaba jingthmu ban wan die sha India.
Katba ha South West Khasi Hills ha ka shnong Rajai ki BSF ki la ioh ban kem ia u wei u kharbangladesh bad na u la ioh ka pisa bad ka wait khukri . Ka jingioh kem ia u ka long ha ba ka jingiaid jingieng jong u ka la pynsuba sniew ia ki shipai BSF kiba don ha katei ka jaka.(SP News)
