Shillong, Naiwieng 21: ka jingialehkai kynjat ball ha ka I-League kaban long ha JNS Stadium la shai ka sngi kan long hapdeng ka Shillong Lajong F.C. bad ka Rangdajied United F.C baroh ar kine ki team ki dei na kane ka jylla Meghalaya.
Ka jingialehkai kan sdang ha ka por 6 baje jan miet ha JNS Stadium ha Polo bad kane kan long ka sien kaba nyngkong ba yn pyni ha ki Telibishon lyngba ka Channel Ten Action.
The match will start at 6.pm onwards and this will be the firsr ever match that will be telecast live on the chanell Ten Action.
U nonghikai jong ka Shillong Lajong FC u la ong ba kane ka jingialehkai la shai ka sngi ka long kaba don kam bha bad ka Shillong Lajong FC ka don ka jingkyrmen ba kan jop ia kane ka jingialehkai.
Ha kane ka jingialehkai ka Lajong FC kan nym lah ban pynialehkai ia u Jibon Singh na ka daw ba u la shah ai red kard ha ka por ba ki ialehkai bad ka Mohun Bagan, bad u defender Wailadmi Passah ruh kum juh namar ba u la ioh yellow kard.
Naka liang jong u nonghikai jong ka Rangdajied u Santosh Kashyap u la ong ba kin ia ialeh ban wanrah ia ka jingjop. La ong ba u Edmar bad Sandesh Jhingan, wat la u captain Eugeneson Lyngdoh Mawphlang bad u midfielder Restom Khyriem kin ia don lang la shai ka sngi namar ki la lah ban ialehkai.
Kashyap u la ong ba baroh shikatta ka Rangdajied FC ka ialehkai ha Bengal bad Goa bad la shai kan ialeh hala ka jong ka jylla bad ki don ka jingkyrmen ba kin jop.
U Eugeneson, u ba dei u nongialehkai ka Lajong u ba la leit bad ka Rangdajied la shai ka sngi yn sa ia kynduh ia ki player jong ka Lajong ha ka sien kaba nyngkong bad u la ong bay n ia leh ban wanrah ia ka burom jong ka team kaba u don.(SP News)
